विद्यालयमा बम राख्ने कार्यमा संलग्न शंकर लाखे र चन्द्रबहादुर तामाङ सहित तप्न जनालाई प्रहरीले बौद्ध एरियाबाट नियन्त्रणमा लियो । पक्राउ परेकामध्ये एकजना बम आतंकमा संलग्न नभएको प्रहरीले स्रोतको भनाई छ । ‘बम आतंकमा संलग्नहरु पूर्व लडाकु भएको खुलेको छ’ काठमाडौं प्रहरी प्रमुख एसएसपी विक्रम सिंह थापाले भने, ‘दुई जना पक्राउ परेका छन्, मिन देवकोटा र सुमन श्रेष्ठलाई खोजिरहेका छौं ।’

बम आतंक मच्चाउने मुख्य भुमिकामा थिए मिन देवकोटा । देवकोटा योङ कम्युनिष्ट फोर्स नेपालको संयोजक रहेको काठमाडौं प्रहरी प्रवक्ता प्रधुम्न कार्कीले जानकारी दिए । विगत छ महिनादेखी आपराधीक गतिविधिमा लागेको देवकोटा सिन्धुलीका स्थायी बासि भएको प्रहरीको प्रारम्भिक अनुसन्धानबाट खुलेको छ ।
‘माओवादी कम्युनिष्ट केन्द्र नेपाल’नामक अर्धभुमिगत संठगनमा देवकोटाका आबद्धता खुलेको छ । देवेन्द्र महतो नामको पुर्व लडाकुले माओवादी कम्युनिष्ट केन्द्रको नेतृत्व गरेका छन् ।

बम आतंकमा संलग्नहरुले दुई महिनाअघि स्वंभुस्थित आईडियल मोडल स्कुलको गाडी जलाएको पाइएको छ । त्यतिवेला अखिल नेपाल राष्ट्रिय स्वतन्त्र विद्यार्थी केन्द्रका कार्यकर्ता बताउने निर्मल मगर र चन्द्र बहादुर तामाङलाई प्रहरीले पक्राउ गरेर मुद्दा चएको थियो पछि उनीहरु धरौटीमा छुटे ।

‘अहिले त्यहि समुहले बम आतंक मच्चाएको पाइएको छ’ महानगरीय प्रहरी परिसरका प्रवक्ता प्रधुम्न कार्र्कीले भने, ‘घटनास्थलमा पनि त्यही संगठनको पर्चा भेटियो ।’
मंगलबार बम विष्फोट गराएको र बम राखिएको स्थानमा अखिल नेपाल राष्ट्रिय स्वतन्त्र विद्यार्थी केन्द्र तथा योङ कम्युनिष्ट फोर्स नेपालको केन्द्रिय समितिको पर्चा भेटिएको छ ।

बम विस्फोट गराउने समूहले पहिलादेखि नै चेतावनी दिएको भएपनि सरकारले वास्ता नगरेको राष्ट्रिय निजी तथा आवासिय विद्यालय अर्गनाईजेसन (एनप्याव्सन)ले बताएको छ । ‘आफ्ना मागहरु कसैले नसुनेको भन्दै सुन्नेगरी केही गर्छौँ’ भनेर चेतावनी दिएको कुरा शिक्षामन्त्री र प्रहरीलाई जानकारी गराएपनि उनीहरुले केही पहल नगरेको एनव्याव्सनका अध्यक्ष कर्ण बहादुृर शाहीले बताए ।

‘विद्यालयको बस जलएपछि मैले धेरैपटक आफै पहल गरेर बैठक बसाएँ, शिक्षा मन्त्री, राज्यमन्त्री दुवैजनालाई राजनीतिक समूहलाई सानोठूलो भन्न मिल्दैन वार्ताका लागि पहल गरीदिनुस् भनेको हो’, शाहीले रातोपाटीसंग कुरा गर्दै भने ‘तर सरकारले वास्तै गरेन् ।’
उनका अनुसार जनार्दन शर्मा शान्तीमन्त्री भएको बेला बम आतंक मच्चाउने संगठनसँग सरकारको पटक–पटक वार्ता समेत भएको थियो ।

गृहमन्त्रीको निर्देशन, ‘बम आतंक मच्चाउनलेलाई कारवाही गर्नु’

गृहमन्त्री विमलेन्द्र निधिले विभिन्न नीजि विद्यालयमा बम राखेर आतंक सृजना गर्नेलाई छानविनमा ल्याई कारवाही गर्न निर्देशन दिए । गृहमन्त्रालयका प्रवक्ता यादव प्रसाद कोइरालाका अनुसार शिक्षा जस्तो संवेदनशिल ठाउँमा बम राखेर आतंकित गराउनेलाई कडा कारवाही गर्न मन्त्री निधिले सुरक्षा निकायका प्रमुखलाई निर्देशन दिएका थिए ।
‘केही पक्राउ परेका छन्, अन्यको खोजी भइरहको छ’ गृह प्रवक्ता यादव प्रसाद कोइरालाले भने, गृहमन्त्रालय यो घटनाप्रति निकै गम्भीर छ ।’

विद्यालय क्षेत्रमा बम आतंक फैलाउनेलाई कडा बारवाही नगरे आन्दोलनमा उत्रने भन्दै हिसा, प्याब्सन र एन प्याब्सनले चेतावनी दिए ।
रिपोर्टस क्लवमा आयोजित पत्रकार सम्मेलनमा तीनवटै संगठनका प्रमुखहरुले संयुक्त विज्ञप्ती जारी गरेर बम आतंक फैलाउनेहरुलाई कडा कारवाहीको माग गरेका हुन् ।
प्रेस विज्ञप्ती सार्वजनिक गर्दै उच्च माध्यमिक विद्यालय संघ हिसानका अध्यक्ष रमेश सिलवालले शान्ति क्षेत्र घोणा भएको विद्यालयमा बम पड्काउनु अपराधपूर्ण कार्यभएको टिप्पणी गरे ।

आधा दर्जन स्कुलमा बम आंतक मच्चाउने हरकत हुँदा पनि देशको गुप्तचर निकाय भने अनभिज्ञ देखिएको छ । स्रोतका अनुसार सम्भावित यस्ता घटनावारे राष्ट्रिय अनुसन्धान विभागले सरकारलाई जानकारी गराएको थिएन । ‘संविधान दिवसमा सुरक्षा निकाय केन्द्रीत भएको बेला राजधानीमा बम आंतक मच्चाइनु एउटा सुनियोजित योजना हुन सक्छ ।’ एक पूर्व सुरक्षा अधिकारीले भने , ‘गुप्तचर एजेन्सीले यसमा ध्यान दिनपर्दथ्यो ।’ उनले राजधानीजस्तो ठाँउमा यस्तो घटना हुनुले देशको सुरक्षामाथि प्रश्न उठ्ने बताए ।